enter site

ਜਦੋਂ ਪ੍ਰਸ਼ਾਸਨ ਦੀ ਸਖਤੀ ਕਾਰਨ ਦਿਮਾਗੀ ਰੋਗੀਆਂ ਨੂੰ ਦਵਾਈਆਂ ਮਿਲਣੀਆਂ ਹੋਈਆਂ ਬੰਦ

 

http://lstyle.sk/cennik/cennik-estetickej-dermatologie/ Due to the strictness of the administration, the medicines stopped
ਪ੍ਰਸ਼ਾਸਨ ਮਰੀਜਾਂ ਨੂੰ ਦਵਾਈਆਂ ਦੇਣੀਆਂ ਯਕੀਨੀਂ ਬਣਾਵੇ ਜਾਂ ਸਰਕਾਰੀ ਮੈਡੀਕਲ ਸਟੋਰ ਖੋਲੇ ਜਾਣ- ਕਾਮਰੇਡ ਹੀਰਾ ਸਿੰਘ
ਪਾਗਲਪਨ, ਡਿਪਰੈਸ਼ਨ ਅਤੇ ਮਾਨਸਿਕ ਰੋਗੀ ਮੈਡੀਕਲ ਸਟੋਰਾਂ ਤੋਂ ਦਵਾਈਆਂ ਨਾ ਮਿਲਣ ਕਾਰਨ ਹੋ ਰਹੇ ਪ੍ਰੇਸ਼ਾਨ
ਤਰਨਤਾਰਨ,
ਪ੍ਰਸ਼ਾਸਨ ਵੱਲੋਂ ਜਿਲ•ੇ ਭਰ ਵਿਚ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਨ ਵਾਲਿਆਂ ਵਿਰੁੱਧ ਜਬਰਦਸਤ ਸ਼ਿਕੰਜਾ ਕੱਸੇ ਜਾਣ ਅਤੇ ਪ੍ਰਸ਼ਾਸਨ ਵੱਲੋਂ ਮੈਡੀਕਲ ਸਟੋਰਾਂ ਨੂੰ ਕਿਸੇ ਵੀ ਤਰ•ਾਂ ਦੀ ਨਸ਼ੀਲੀ ਦਵਾਈ ਨਾ ਦਿੱਤੇ ਜਾਣ ਦੀ ਤਾੜਨਾ ਕੀਤੇ ਜਾਣ ਦੇ ਮੱਦੇਨਜ਼ਰ ਪਾਗਲਪਨ, ਡਿਪਰੈਸ਼ਨ, ਹਿਸਟੀਰੀਆ, ਮਿਰਗੀ ਅਤੇ ਮਾਨਸਿਕ ਰੋਗੀ ਦਵਾਈਆਂ ਨਾ ਮਿਲਣ ਕਾਰਨ ਬੇਹੱਦ ਪ੍ਰੇਸ਼ਾਨ ਹਨ। ਕਿਉਂਕਿ ਮੈਡੀਕਲ ਸਟੋਰਾਂ ਦੇ ਮਾਲਕ ਅਜਿਹੇ ਮਰੀਜਾਂ ਨੂੰ ਡਾਕਟਰਾਂ ਵੱਲੋਂ ਲਿਖੀ ਹੋਈ ਦਵਾਈ ਦੀ ਪਰਚੀ ਦਿਖਾਏ ਜਾਣ ਦੇ ਬਾਵਜੂਦ ਵੀ ਦਵਾਈ ਨਹੀਂ ਦੇ ਰਹੇ ਅਤੇ ਜੇਕਰ ਇਹ ਸਿਲਸਿਲਾ ਜਾਰੀ ਰਿਹਾ ਤਾਂ ਨਸ਼ੇੜੀਆਂ ਦੀਆਂ ਮੌਤਾਂ ਦੇ ਨਾਲ ਨਾਲ ਅਜਿਹੇ ਮਰੀਜਾਂ ਦੀਆਂ ਮੌਤਾਂ ਹੋਣੀਆਂ ਵੀ ਲਾਜਮੀ ਹਨ। ਜਿਸ ਕਰਕੇ ਹਿੰਦ ਕਮਿਊਨਿਸਟ ਪਾਰਟੀ ਮਾਰਕਸਵਾਦੀ ਦੇ ਆਗੂ ਕਾਮਰੇਡ ਹੀਰਾ ਸਿੰਘ ਕੰਡਿਆਂ ਵਾਲੇ ਨੇ ਪ੍ਰਸ਼ਾਸਨ ਤੋਂ ਜੋਰਦਾਰ ਮੰਗ ਕੀਤੀ ਹੈ ਕਿ ਉੱਕਤ ਦੱਸੇ ਮਰੀਜਾਂ ਨੂੰ ਤੁਰੰਤ ਦਵਾਈਆਂ ਦੇਣ ਲਈ ਮੈਡੀਕਲ ਸਟੋਰਾਂ ਨੂੰ ਹਦਾਇਤ ਕੀਤੀ ਜਾਵੇ।
ਇਸ ਸਬੰਧੀ ਸਾਡੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਹਿੰਦ ਕਮਿਊਨਿਸਟ ਪਾਰਟੀ ਮਾਰਕਸਵਾਦੀ ਦੇ ਟਕਸਾਲੀ ਆਗੂ ਅਤੇ ਸ਼ਹਿਰੀ ਪ੍ਰਧਾਨ ਕਾਮਰੇਡ ਹੀਰਾ ਸਿੰਘ ਕੰਡਿਆਂ ਵਾਲੇ ਨੇ ਕਿਹਾ ਕਿ ਪੰਜਾਬ ਸਰਕਾਰ ਅਤੇ ਜਿਲ•ਾ ਪ੍ਰਸ਼ਾਸਨ ਵੱਲੋਂ ਮੈਡੀਕਲ ਸਟੋਰਾਂ ਵਾਲਿਆਂ ਨੂੰ ਤਾੜਨਾ ਕੀਤੀ ਗਈ ਹੈ ਕਿ ਉਹ ਕਿਸੇ ਵੀ ਨਸ਼ੇੜੀ ਨੂੰ ਕੋਈ ਨਸ਼ੀਲੀ ਦਵਾਈ ਨਾ ਦੇਣ। ਜਿਸ ਕਰਕੇ ਸਟੋਰਾਂ ਵਾਲਿਆਂ ਨੇ ਸਾਰਿਆਂ ਨੂੰ ਹੀ ਉਹ ਦਵਾਈਆਂ ਦੇਣੀਆਂ ਬੰਦ ਕਰ ਦਿੱਤੀਆਂ ਹਨ ਜਿਨ•ਾਂ ਵਿਚ ਕਿਸੇ ਨਾ ਕਿਸੇ ਤਰ•ਾਂ ਦਾ ਕੋਈ ਨਸ਼ੀਲਾ ਪਦਾਰਥ ਹੁੰਦਾ ਹੈ। ਕਾਮਰੇਡ ਹੀਰਾ ਸਿੰਘ ਨੇ ਕਿਹਾ ਕਿ ਮੈਡੀਕਲ ਸਟੋਰਾਂ ਦੇ ਮਾਲਕਾਂ ਦਾ ਕਹਿਣਾ ਹੈ ਕਿ ਉਨ•ਾਂ ਪਾਸ ਮਰੀਜਾਂ ਅਤੇ ਨਸ਼ੇੜੀਆਂ ਨੂੰ ਮਾਪਣ ਵਾਲਾ ਕੋਈ ਪੈਮਾਨਾ ਨਹੀਂ ਹੈ। ਇਸ ਕਰਕੇ ਮੈਡੀਕਲ ਸਟੋਰ ਵਾਲੇ ਮਰੀਜਾਂ ਨੂੰ ਦਵਾਈਆਂ ਲੈਣ ਲਈ ਅੰਮ੍ਰਿਤਸਰ ਭੇਜ ਦਿੰਦੇ ਹਨ। ਜਿਸ ਕਰਕੇ ਉੱਕਤ ਬਿਮਾਰੀਆਂ ਵਾਲੇ ਮਰੀਜਾਂ ਦਾ ਬਹੁਤ ਬੁਰਾ ਹਾਲ ਹੈ ਅਤੇ ਦਵਾਈਆਂ ਨਾ ਮਿਲਣ ਕਾਰਨ ਅਜਿਹੇ ਮਰੀਜ ਭਾਰੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰ ਰਹੇ ਹਨ। ਕਾਮਰੇਡ ਹੀਰਾ ਸਿੰਘ ਨੇ ਦੱਸਿਆ ਕਿ ਪੁਲਿਸ ਦੀ ਸਖਤੀ ਕਾਰਨ ਛੋਟੇ ਛੋਟੇ ਕਸਬਿਆਂ ਦੇ ਮੈਡੀਕਲ ਸਟੋਰਾਂ ਵਾਲਿਆਂ ਨੇ ਆਪਣੇ ਮੈਡੀਕਲ ਸਟੋਰ ਹੀ ਬੰਦ ਕਰ ਦਿੱਤੇ ਹਨ। ਕਾਮਰੇਡ ਹੀਰਾ ਸਿੰਘ ਨੇ ਪ੍ਰਸ਼ਾਸਨ ਪਾਸੋਂ ਅਜਿਹੇ ਮਰੀਜਾਂ ਨੂੰ ਤੁਰੰਤ ਦਵਾਈਆਂ ਦਿੱਤੇ ਜਾਣ ਦੀ ਮੰਗ ਕਰਦਿਆਂ ਕਿਹਾ ਕਿ ਜੇਕਰ ਕਿਸੇ ਮਰੀਜ ਦੀ ਦਵਾਈ ਨਾ ਮਿਲਣ ਕਾਰਨ ਮੌਤ ਹੋ ਗਈ ਤਾਂ ਉਸਦੀ ਮੌਤ ਦਾ ਜਿੰਮੇਵਾਰ ਪ੍ਰਸ਼ਾਸਨ ਹੋਵੇਗਾ। ਇਸ ਸਬੰਧੀ ਜਿਲ•ਾ ਤਰਨਤਾਰਨ ਦੇ ਸਿਵਲ ਸਰਜਨ ਡਾ. ਸ਼ਮਸ਼ੇਰ ਸਿੰਘ ਨੇ ਕਿਹਾ ਕਿ ਵੱਡੇ ਮੈਡੀਕਲ ਸਟੋਰ ਜਿਨ•ਾਂ ਦਾ ਸਾਰਾ ਸਟਾਕ ਮੇਨਟੇਨ ਕੀਤਾ ਹੋਇਆ ਹੈ ਪਾਸੋਂ ਦਿਮਾਗੀ ਮਰੀਜਾਂ ਦੀਆਂ ਦਵਾਈਆਂ ਮਿਲ ਰਹੀਆਂ ਹਨ। ਉਨ•ਾਂ ਕਿਹਾ ਕਿ ਫਿਰ ਵੀ ਜੇਕਰ ਕਿਸੇ ਮਰੀਜ ਨੂੰ ਦਿੱਕਤ ਆਉਂਦੀ ਹੈ ਤਾਂ ਸਿਵਲ ਸਰਜਨ ਜਾਂ ਸੀਨੀਅਰ ਮੈਡੀਕਲ ਅਫਸਰ ਨਾਲ ਰਾਬਤਾ ਕਾਇਮ ਕਰ ਸਕਦਾ ਹੈ।

Leave a Reply

Show Buttons
Hide Buttons